قبل مباراة زيمبابوي..شريف إدريس يعلق على مشوار المنتخب ببطولة إفريقيا

علق الفنان شريف إدريس، على مشوار المنتخب الوطني ببطولة إفريقيا قبل مباراة زيمبابوي الليلة.

وقال شريف إدريس:"أنا فاكر في بطولة كاس أمم أفريقيا سنة ٩٨ في بوركينا فاسو.. كل الشعب كان بيهاجم الراحل كابتن محمود الجوهري علشان اختار حسام حسن يكون مهاجم المنتخب برغم أن سنه كبر..وكل الشعب كان متوقع نخرج من الدور الأول..وبقدرة قادر نعمل أعظم بطولة ونفوز بالكاس وحسام حسن يكون هداف البطولة".

وتابع: "وفاكر في ٢٠٠٦ الناس كانت بتقول احنا كسبنا البطولة علشان ارضنا وأنها مشيت مع حسن شحاتة،
وفي ٢٠٠٨ كل التوقعات كانت ان احنا هنخرج وكسبنا البطولة".

وأضاف: "وفي ٢٠١٠ روحنا غانا وكسبنا البطولة برغم المؤشرات كلها مكنتش في صالحنا..ونفس الأجواء دلوقتي في ٢٠٢٥ وبرغم كده أنا حاسس ان حسام حسن هيعملها ويرجع بالكاس هو ورجالته برغم كل التعليقات السلبية على حسام وعلى الفرقة الفترة اللي برغم أنه صعد كأس العالم بالمنتخب بدون خسارة وعلشان خسر ماتش ودي الناس كلها بتهاجمه..كلنا هنشجع بلدنا علشان كلنا محتاجين الفرحة الكبيرة بكأس افريقيا".

ويلتقي منتخب مصر مع زيمبابوي في الساعة العاشرة مساء اليوم الإثنين في أولى مبارياته بالبطولة.